Sa vle di chanm depite ameriken an pral sou kontwòl depite nwa Hakeem Jeffries. Jeffries, ki gen 52 zan e ki reprezante yon sikonskripsyon eta New York nan kongrè a te poze kandidati li kòm lidè minorite demokrat la pou 2 ane kap vin la yo.
Li te eli deye pot femen a l inanimite pou l tounen premye afriken ameriken ki okipe yon pòs lidèchip nan chanm reprezantan an oubyen sena Etazini an.
Li pran angajman pou’l dirije yon kokis ki pral retounen pouvwa a bay manm komite yo epi bay jèn palmantè plis vwa o chapit nan lejislasyon yo e pèmèt yo okipe pòs kap ba yo anpil viziblite.
Nan lèt depite Jeffries voye bay tokay demokrat li yo, li di nap site “ opòtinite pou travay sou preparasyon lwa ak posiblite angajman piblik , se yon bagay nou pare pou distribiye bay depite demokrat yo, kèlkeswa kantite tan yo ta genyen kòm lejislatè nan kongrè-a."
