“Federasyon ris la konsidere ke li sanble jwenn ase garanti nan moman kounyea, e li rekoumanse aplikasyon akò a,” se sa ministè defans la di nan yon kominike.
LaRisi te sispann patisipasyon l samdi a apre li te fè konnen Ikrèn ta sèvi ak drone pou atake flòt ris nan Lanmè Nwa a.
Nasyon Zini ak Tiki te jwenn yon antant ak LaRisi e ak Ikrèn nan mwa Jiyè pase pou rekoumanse ekspedisyon sereyal ki ap soti nan Ikrèn e pèmèt LaRisi ekspedye angrè pandan gen yon kriz mondyal.
Sispansyon LaRisi a te entèwonp ekspedisyon nan jou ki pase yo, pandan lòt pati te degaje yo fè kèk ekspedisyon soti nan pò Ikrèn yo e pase kèk enspeksyon nan Istanboul nan peyi Tiki, pou obsève akò a.
