Accessibility links

Breaking News

Larisi Ranplase Kòmandan "Operasyon Militè Espesyal" li Nan Ikrèn


FILE - Russian President Vladimir Putin, right, applauds Col. Gen. Sergei Surovikin during an awards ceremony for troops who fought in Syria, in the Kremlin, in Moscow, Dec. 28, 2017. Putin says Russia's action in Syria has demonstrated the power of the n

Lame Ris la anonse nominasyon Jeneral Sergei Surovikin kòm kòmandan "operasyon militè espesyal" li a kay vwazen li Ikrèn apre elit yo fè anpil echèk sou teren batay la nan Ikrèn.

Ofisyèlman pèson pat konnen non ansyen kòmandan ki nan tèt operasyon sa yo, men dapre medya Ris yo se te Jeneral Alexander Dvornikov, ki se yon veteran nan dezyèm lagè Chetchen nan e li te kòmandan fòs Larisi a nan peyi Siri soti ane 2015 pou rive 2016.

Desizyon Moskou pran piblikman an, vini apre yon seri defèt malouk ke lame ris la sibi sou chan batay la kote li pèdi anpil teritwa nan Ikrèn apre plizyè kont-ofansif ke lame Ikrenyen an fè.

Twoup Ris yo te pèdi tou 500 kilomèt kare nan teritwa nan rejyon Kherson nan nan sid Ikrèn .

Dezavantaj sa yo te pwovoke kritik nan elit Ris la, ak lidè Chetchen Ramzan Kadyrov ki te kritike kòmandman militè a an patikilye, alòske yon gwo ofisyèl palmantè, Andrei Kartapolov, te mande piblikman lame a "sispann bay manti" sou defèt li yo.

Mesye Surovikin, gen 55 an, se yon veteran nan lagè sivil la nan Tajikistan nan ane 1990 yo, dezyèm lagè Chechenya nan ane 2000 yo ak entèvansyon Ris la nan peyi Siri an 2015.

XS
SM
MD
LG