Accessibility links

Breaking News

Ikrèn: Atak kont yon Pon nan Krime Koupe Wout Apwovizyonman Larisi


Flanm ak dire soti nan yon pon nan Krime ki konekte Larisi ak preskil Krime a nan Ikren, Samdi 8 Oct. 2022.

Otorite Ris yo di gen pati yon pon ki kraze apre yon eksplozyon ak dife ki pran ladann. Pon sila a konekte Krime, yon rejyon Ikrèn Larisi anekse, avèk peyi Larisi.

Pon an se youn nan wout prensipal Maskou sèvi nan lagè li a nan sid Ikrèn kote li sibi anpil echèk. Li reprezante tou yon senbòl aneksasyon konteste Larisi te fè nan Krime an 2014.

Otorite Ris yo di se yon bonm ki te nanyon kamyon ki koze eksplozyon an.

Pòtpawòl palman rejyonal la ke Kremlen an apiye nan Krime, pat pèdi tan pou'l akize Ikrèn dèske se limenm ki responsab pou eksplozyon an, ki touye 3 moun. Sepandan, Kemlen an limenm pa blame pèson.

Responsab Ikrenyen yo menase pou atake pon an plizyè fwa, men Kyèv pa reklame responsabilite pou atak sa a.

Atak kont pon an vini yon jou apre Prezidan Ris la, Vladimir Putin te fete 70èm anivèsè li, e se yon kou ki imilye misye.

XS
SM
MD
LG