Prezidan Etazini Joe Biden rann yon dènye omaj a Rèn Elizabeth II Dimanch, kote li pase bò kote sèkèy li nan moman dè milye polisye ak plizyè santèn twoup Britanik ak yon gwo gwoup responsab tap fè preparasyon final pou fineray nasyonal rèn nan.
Fineray la Lendi, nan Westminster Abbey ap yon demonstrasyon espektakilè dèy nasyonal epi pi gwo rasanbleman lidè mondyal ki fèt depi plizyè zane.
Prezidan Biden te fè siy la kwa epi mete men ni sou kè li pandan li te kanpe an silans devan sèkèy la nan Westminster Hall, yon lye istorik Britanik ki egziste depi 900 zan.
Dè milye moun ap defile devan sèkèy rèn nan. Otorite sipoze fèmen ke a Dimanch.
Wa Charles III te oganize yon resepsyon pou chèf d eta yo ak lòt lidè Dimanch swa nan Palè Buckingham.
