Accessibility links

Breaking News

Ikrekyen yo Eksprime Kè Sote pou Atak Ris kap Fèt Ozalantou Santral Nikleyè a


Neila Fdorova, a goch, ak pitit fi li blese nan yon ataknan Kramatorsk, rejyon Donetsk Ikren, 22 Out 2022.

Ikrenyen ki abite pa lot bo rivye a tou pre santral atomik prensipal peyi a, eksprime ke sote yo genyen akoz atak yo kap kontinye.

Bonbadman Larisi te lakoz 4 moun blese nan Nikopol Lendi, dapre yon responsab, kek he'd tan selman apre kominote entenasyonal la te lanse apel pou epaye zon nan pou anpeche yon dezas nikleye.

Vil la ki sitye ak yon distans 10 kilomt ak santral nikleye a sibi atak 3 fwa nan nwit la, kote fize, obi ak motye frape kay, yon jaden d'anfan, yon stasyon otobis ak magazen.

Olena Sidoryakina, moun Nikopol: "Tout moun pral mouri, pa selman noumenm nan Ikren men tout planet te a pral mouri paske se yon bagay ki grav. Nou a 6 blok de santral la."

Yon misye ap koleksyone fil kwiv nan yon mache ki te detwi apre bonbadman Larisi nan Nikopol, Ikren, Lendi 22 Out 2022.
Yon misye ap koleksyone fil kwiv nan yon mache ki te detwi apre bonbadman Larisi nan Nikopol, Ikren, Lendi 22 Out 2022.

Pandansetan sou plas santral Mariupol la, yo te flote drapo ble blan ak wouj La Risi an pou fet drapo Ris la.

Manm yon oganizasyon milite jen jan te prezan nan moman yo tap jwe im nasyonal ris la. Yo te kanpe devan yon bilding ki andomaje nan atak Ris yo.

Aleksey, sitwayen lokal, jen jandam:

"Paran mwen te kontinye konvenk mwen: Larisi pwisan, li nimewo 1. Vreman vre le mwen komanse li istwa Larisi mwen te konstate se vre. Larisi poko janm pedi yon sel batay."

Nan Moskou menm, pitit fi nasyonalis ak ideyolog Ris ke yo rele souvan "sevi Putin" nan mouri apre machin pyeje li sote andeyo Moskou.

Komite Envestigasyon rejyon Moskou a di Samdi, yon moun mete yon bonm nan kamyonet Daria Dugina tap kondwi a.

Demwazel 29 an an se pitit fi Alexander Dugin, yon pwoch prezidan Ris la ki apiye ak tout fos li, lide pou voye twoup nan Ikren.

Kek temwen di demwazel la te nan machin papa li e ke misye te sipoze akonpaye'l men a la denye minit li te deside pati nan yon lot machin.

Larisi blame Ikren pou asasina a.

Pou fini, rejiman konbatan Azov Ikrenyen an ke Larisi te arete epi lage, demanti Lendi nouvel ki di kom kwa se yon manm rejiman an ki responsab pou asasina Dugina.

Sevis Sekirite Federal Larisi FSB ki se siksese KGB a di se sevis espesyal Ikrenyen yo ki prepare e egzekite atak la. Yo di yon sispek ki rele Natalya Vovk te lwe yon apatman nan bilding kote Dugina tap viv epi swiv li. Menm dam sa a te asiste festival kote Dugina te ye ak papa li anvan machin nan te eksploze.

Vladislav yon konbatan Azov bay kek presizyon:

"Dam sa a, li gen inifom Gad Nasyonal sou li e kat milite li di li se yon solda Gad Nasyonal Ikren, inite 3057. Inite lame sa a gen ladann yon detachmen Azov Fos Espesyal Operasyon, men se pa tout moun ki sevi nan inite 3057 la ki se solda Azov SOF. Donk dam sa a pa yon solda rejiman Azov la."

Solda yo di yo te fe fask ak presyon psikolojik ki te difisil pou simonte epi yo te toupizi yo pandan yo te nan men Larisi.

Enfomasyon pou repotaj sa a soti nan Associated Press

XS
SM
MD
LG