Accessibility links

Breaking News

Pitit Fi Ris ki 'Sèvo Putin' Mouri Apre Machin ni Eksploze


Nan foto sa a ke Komite Envestigativ Larisi distribye bay lapres, ankete ap egzaminen lye kote machin pyeje Daria Dugina a sote andeyo Moskou, 21 Out 2022.

Otorite Ris yo di yon pitit fi yon filozòf politik ki gen anpil enfliyans e ke yo konn dekri souvan tankou "sèvo Putin" mouri nan yon machin pyeje.

Branch Komite Envestigativ Ris la nan Moskou di enfòmasyon preliminè li genyen endike yon bonm sote andedan pajewo Daria Dugina, 29 an tap kondwi.

Li tap travay kòm prezantatris nan televizyon e li se pitit fi nasyonalis ak filozòf Alexander Dugin.

Medya Ris yo di eksplozyon an fèt nan moman dam nan tap tounen lakay li apre li te sot asiste yon festival kiltirèl ak papa li, ki apiye ak tout fos li lide pou Larisi voye twoup nan Ikrèn.

Yon konseye prezidan Ikrenyen an demanti Ikrèn gen anyen pou wè ak atak ak bonm nan.

XS
SM
MD
LG