Bidjè sa pral ede Ikrèn jwenn plis èd militè, epi Biden pwopoze pou likide byen oligark Ris yo pou ka konpanse domaj Ikrèn sibi nan lagè a.
Etazini "pa atake" Larisi men " se ede lap ede Ikrèn defann tèt li kont agresyon Larisi yo ".
Biden kontinye pou li di ke yo deja bay Ikrèn 10 zam anti-tank pou chak tank Ris ki nan Ikrèn.
Nan menm diskou a, prezidan an te reyaji sou desisyon Konpayi Gazprom ki responsab livrezon gaz nan plizyè peyi nan Ewòp la pran pou koupe distribisyon yo, paske peyi yo te refize achte gaz la ak Roub.
Biden deklare ke "Washington pa pral kite Moskou 'entimide' Ewòp paske li koupe distribisyon gaz la.
Minis enèji peyi-manm Inyon Ewòp la (IE) pral rankontre lendi nan Briksèl, nan Bèljik, nan moman Larisi menase pou l kontinye koupe livrezon gaz natirèl li pou plis peyi.
