Accessibility links

Breaking News

Biden: "Putin se Agresè a"


Biden-Putin Collage

Prezidan Etazini Joe Biden enpoze yon lòt seri sanksyon jedi sou LaRisi apre Prezidan Vladimir Putin fin anvayi teritwa vwazen li Ikrèn nan Nò, Ès ak Sid - kote 137 moun Ikrèn pou pi piti pèdi lavi, e apre sa li te vanse byen vit sou prensipal vil yo, pami yo kapital la Kyèv.

"Putin se agresè a," se sa Biden di nan Mezon Blanch apre li te fin rankontre sou entènèt jedi maten ak lidè Gwoup G-7 la yo e ak alyans l-OTAN an. Li ajoute, "Se Putin ki chwazi gè sa a, e kounyea peyi li pwal sibi konsekans yo."

Nouvo sanksyon Etazini yo vize bank ris yo, gwo zouzoun yo ak sektè teknoloji yo, e nan sanksyon sa yo tou gen kontwòl sou ekspòtasyon li, sa ki pwal degrade kapasite endistriyèl li pou dèz ane k ap vini.

Alye l-OTAN yo, pami yo Grand Bretay ak Inyon Ewòp la, yo menm tou enpoze sanksyon pa yo jedi.

XS
SM
MD
LG