Accessibility links

Breaking News

Biden Frape La Risi ak Nouvo Sanksyon Akoz Envasyon Ikrèn nan


Prezidan Joe Biden Pale sou envazyon La Risi fe nan Ikren depi Chanm Es Lamezonblanch la, Jedi 24 Fevriye 2022.

Prezidan Joe Biden anonse Jedi yon nouvo seri sanksyon ki vize La Risi apre envazyon li nan Ikrèn. Biden akize lidè Ris la Vladimir Putin dèske li "chwazi lagè sa a" e ke peyi li pral fè fas ak konsekans aksyon li yo.

"Sa se yon atak planifye alavans. Vladimir Putin ap planifye sa depi lontan - jan nou te di'l," Biden deklare. "Depi plizye semen nap lanse apel pou di sa pral rive. E kounyea bagay yo ap dewoule jan nou te predi'l ."

Nouvo sanksyon yo vize bank Ris yo, oligark yo, ak sektè teknoloji pèfeksyone a, Biden anonse. Etazini pral bloke byen 4 gwo bank Ris, enpoze kontwol sou pwodwi lap ekspote epi sanksyone oligark yo.

"Jodia mwen otorize yon lot seri sanksyon pwisan ak nouvo limit sou sa yo ka ekspote nan La Risi - yo pral gen yon konsekans seve sou eknomi Ris la imedyatman e o fi e a mezi - nou fomile sanksyon sa yo presizeman pou bay maksimom enpak a lon tem sou la Risi e pou minimize konsekans pou Etazini ak alye nou yo," Biden anonse.

Pinisyon sa yo ann ako ak ensistans Lamezonblanch ke li pral frape sistèm finansye Ris la ak akolit Putin yo, pandan lap enpoze tou kontwol sou pwodwi lap ekspote yo. Objektif la se koupe aksè endistri Ris yo ak fos militè li ak semi-kondiktè ak lot pwodwi teknoloji pèfeksyone.

" Nou deja we konsekans aksyon nou yo sou lajan Ris la Roub la -- jodia vale li plonje desann pi ba ke jame - mache la bours Ris la plonje desann jodia. To pre Ris la ogmante plis pase 15 pousan. Mezi nou pran jodia vize bank RIs yo - ki gen yon total plis pase yon trilyon dola byen," Biden deklare. "Nou koupe akse youn nan pi gran bank Ris yo ki kontwole yon tye byen bank Ris yo poukont li - nou koupe akse li ak sistem finansye Ameriken an. Jodia nap bloke 4 lot gwo bank - salvedi tout byen yo genyen Ozetazini bloke - ladann gen VTB dezyem pi gwo bank la Risi. Byen li vo $250 milya. Jan nou pwomet la, nap ajoute non boujwa Ris ak fanmi yo sou lis moun nap sanksyone."

Pou kounyea, Biden poko enpoze sanksyon pi sevè yo, ki vize pa egzanp aksè La Risi ak sistèm peman SWIFT la, ki pèmèt tranzaksyon lajan ant bank toupatou nan mond lan, ni sektè enèji Ris la.

"Nap kontinye bat tanbou a kont milyade Ris kowonpi yo nan jou kap vini yo," Biden deklare.

Prezidan an anonse sanksyon yo nan moman gouvènman Ikrenyen an rapote yon pakèt moun ouri akoz atak fos Ris yo nan è, no ak sid peyi a.

XS
SM
MD
LG