Accessibility links

Breaking News

Vladimir Putin Resevwa Premye Minis Pakistan Imran Khan


RUSSIA-PAKISTAN/

Prezidan LaRisi Vladimir Putin resevwa Premye Minis Pakistan Imran Khan pou konsiltasyon sou yon pakèt sijè jedi, kote yo kouvri relasyon ni ant 2 peyi yo ni ak peyi nan rejyon an, sa k ap pase nan Sid Azi a, ak kesyon entènasyonal ki enterese yo tou le 2.

Khan te rive Moskou nan jou anvan-an nan kad yon vizit travay 2 jou, premye vizit yon Premye-minis Pakistan nan peyi sa a depi 23 lane, kèk èd-tan anvan fòs ris yo te atake Ukrèn.

Otorite Pakistan yo di rankont 3 zèd-tan an jedi te dewoule nan Kremlen an, kote 2 lidè yo te pale tou sou kriz Ukrèn nan.

"Premye-minis la regrete dènye sityayson ant LaRusi ak Ukrèn nan e li di Pakistan te espere ke diplomasi ta ka evite yon konfli militè," se pawòl biwo Khan nan bay nan yon kominike apre rankont la, kote li site sa l prezante kòm pawòl ke Premye-minis la te di Putin.

Khan "ensiste pou di ke konfli pa nan enterè pèsonn" e li fè remake ke "se ekonomi peyi an devlopman yo ki pran plis kou lè gen konfli."

XS
SM
MD
LG