Premye-minis Pakistan Imran Khan anonse lendi peyi li pwal enpòte apeprè 2 milyon tòn ble nan men LaRisi e achte gaz natirèl tou nan kad antant ke 2 peyi yo te siyen semèn pase a pandan vizit ofisyèl li nan Moskou.
Khan te prese fè vizit 2 jou li a e rankontre ak Prezidan Vladimir Putin nan Kremlen an, kèk èd-tan apre fòs ris yo te anvayi Ikrèn, kote peyi nan loksidan yo ap mete presyon pou izole lidè ris la pou aksyon li.
Lendi, Premye-minis Pakistan an te defann vwayaj li a e te reponn kritik yo nan yon diskou nan televizyon kote li te pale ak nasyon an, pou di enterè ekonomik te oblije li fè sa.