Nan yon diskou li fè sou videyo, Prezidan Venezyelyen an Nicolas Maduro deklare malgre sanksyon yo pran kont peyi li, li jwenn mwayen pou vaksinen 102% popilasyon Venezyelyen an.
Maduro denonse 31 ton lò li di ki fè pati rezèv legal ak istorik Venezyela ke Bank Angletè a bloke.
Maduro ajoute li bezwen lò sa a pou ede peyi li fè fas ak pandemi kowonaviris la.
Prezidan Kolonbyen an, Ivan Duque bò kote pa li di gouvènman li a an solidarite ak migran Venezyelyen yo e li pral kontinye lanse apèl pou rejim diktati a nan peyi vwazen li an sispann pyetinen libète pèp Venezyelyen an.