Rezistans Ikrèn nan mete ak pwoblèm nan transpò militè ris yo te ralanti envazyon Moskou a nan Ikrèn. Apre 5 jou batay, lame LaRusi a pa pran okenn gran vil nan Ikrèn, e prensipal efò-li te santre nan direksyon Kyèv; li rive nan apeprè 25 kilomèt ak sant vil la apre li te vanse sèlman kèk kilomèt dimanch-la, dapre yon gwo zotobre ameriken nan sektè defans la.
Yon gwo zotobre avèti dimanch la, ke fòs ris yo ka aprann nan premye erè ke yo te fè nan envazyon an e adapte-yo pou lòt atak yo pwal lanse.
Pandanstan, Prezidan Ikrèn Volodymyr Zelensky ekzòte Inyon Ewòp la pou aksepte aplikasyon Ikrèn touswit pou l vin manm blòk la.