Accessibility links

Breaking News

Yon Jij Federal Ameriken Rete Preparasyon pou Mete Fen nan Limit Azil Etazini


Foto Achiv: Yon migran tann sou kote Meksiken frontye Meksik pataje ak Etazini apre ajan La Dwan ak Pwoteksyon Frontye yo te arete kek migran nan Tijuana, Meksik, 26 Janv. 2022.

Yon jij pase lòd pou sispann pandan 2 semèn pwosesis pou elimine restriksyon ki te an plas akoz pandemi a pou moun kap chache azil Ozetazini. Desizyon sa a pran nan moman administrasyon Biden nan ap fè preparasyon pou leve restriksyon sa yo konplètman 23 Me.

Desizyon Mèkredi a se yon echèk tanporè sèlman pou administrasyon Biden nan, men jij federal la sanble li trè senpatize ak Lwizyann ak lòt eta ki asiyen gouvènman an pou egzije'l kenbe lwa Tit 42 a an plas.

Restriksyon Tit 42 a vle di yon migran pa gen chans mande azil paske prezans yo taka kontribye a pwopagasyon COVID-19 Ozetazini.

Jij Ameriken Robert Summerhays fikse kom dat pou pwochen odyans la 13 Me nan vil Lafayette, eta Lwizyann.

Pandan odyans sa a, jij la va tande agiman pa rapo ak si yo dwe bloke fen Tit 42 a, yon mezi ki ta sipoze fèt 23 Me kap vini an.

XS
SM
MD
LG