Accessibility links

Breaking News

Texas Pran Nouvo Mezi pou Pwoteje Frontyè a


Foto Achiv: Gad Nasyonal Etazini kanpe bo kote yon kloti tou pre pon Entenasyonal kote plizye milye migran Ayisyen kreye yon kan, 18 Sept. 2021 nan Del Rio, Texas.

Gouvènè eta Texas la, Greg Abbott deklare eta a pral mete migran kap rive sou frontye Etazini pataje ak Meksik la nan otobis espesyal kap mennen yo Washington.

Misye anonse nouvèl la Mèkredi pase a pou tizonnen Prezidan Joe Biden ak Kongrè a poutèt sa gouvènè Repibliken an dekri tankou echèk gouvènman federal la pou anpeche migran yo anvayi frontyè sid Etazini.

Abbott pwomèt "aksyon moun poko janm wè anvan" apre administrasyon Biden nan te anonse li gen entansyon sispann aplike yon lwa sou sante piblik ki rele Tit 42, e ki limite kantite moun ki ka mande azil, pou anpeche pwopagasyon maladi COVID-19 la.

Politik sante piblik sa a pral ekspire nan mwad Me a. Lè sa fèt, otorite yo atann yo aske plizyè milye migran va kouri ale nan frontyè sid la pou eseye antre Ozetazini.

XS
SM
MD
LG