Accessibility links

Breaking News

Plan pou Leve Entèdiksyon Azil la Bay Kèk Majistra Ameriken Kè Sote


Yon dam kiben ak pitit fi li tann pou yon kamyonet Gad Frontye Etazini vinn chache li pou mennen yo nan eta Arizona, 6 Fevriye 2022.

Yon vil eta Arizona ki sitye sou frontye Meksik la eksprime kè sote li genyen sou kijan sa pral afekte kominote li, lè administrasyon Biden nan leve entèdiksyon kont moun kap chache azil Ozetazini sou frontye Etazini pataje ak Meksik la. Moun sa yo entèdi antre Ozetazini kounyea anba Tit 42, yon lwa sante piblik.

Majistra vil San Luis la, Gerardo Sanchez prevwa risk sekirite an koneksyon ak desizyon sa a epi enkapasite pou jwenn ase abri pou mete migran yo. Li atann ni aske anpil nan yo va rasanble nan San Luis pandan yap tann yon desizyon sou demann azil yo.

Sant Kontwòl ak Prevansyon Maladi a (CDC) anonse Vandredi li pral leve entèdiksyon azil la, Tit 42, mwa pwochen an. Entèdiksyon an vinn de plizanpli difisil pou jistifye apre restriksyon kowonaviris yo te fini toupatou Ozetazini.

"Se sa ki bay kè sote," Sanchez deklare anvan desizyon an te piblik.

Sanchèz pè pou gouvènman an pa wetire lajan li tap bay vil la akoz bezwen ki egziste sou frontyè a olye li kontinye voye'l bay vil la pou jere migran kap mande azil yo.

Finansman pou ekspansyon ak modènizasyon pò San Luis la, Sanchez explike. "Nou pral pale ak reprezantan nou nan Kongrè a pou mande yo pa manyen lajan sa a. "

Majistra vil Tuscon limenm, deklare Vandredi li kontan ak chanjman nan politik la men gouvènman federal la gen pou pare yon pwosesis "imen, ak diyifye" pou moun kap chache azil yo an menm tan li apiye kominote ak oganizasyon kap travay sou pwosesis sa a.

XS
SM
MD
LG