Accessibility links

Breaking News

Blinken Vle Plis Kowoperayon Rejyonal sou Migrasyon


Sekrete d'Eta Antony Blinken ak Sekrete Sekirite Teritoryal Alejandro Mayorkas pandan yon konferans pou lapres nan vil Panama Siti, Panama, 20 Avril 2022.

Sekretè d'Eta Ameriken Antony Blinken lanse apèl Mèkredi pou plis kowoperasyon rejyonal pou ede kominote ki gen pwoblèm akoz pakèt refije ak migran kap rive lakay yo. Blinken ap vizite Panama kote lap patisipe nan yon rankont ak minis afè etranjè plis pase 20 peyi. Diplomat la ap eseye ankouraje peyi nan Emisfè Oksidantal la pou jwenn solisyon pou migrasyon ki rive nan chif reko ane sa a.

Nan diskou li pwononse devan minis yo Mèkredi nan yon otèl andeyo Panama City, Blinken deklare gen plis moun kap "deplase paske yo kite kay yo pa lafos" ke kantite yo te anrejistre pandan Dezyèm Gè Mondyal la.

"Sèl reponsab dirab pou migrasyon iregilye se fè fas ak koz la, men se yon bagay ki pran tan, e pandansetan gen anpil vil ak vilaj ki senpman pa gen resous nesesè pou fè fas ak bezwen pwop sitwayen pa yo ale wè bezwen migran yo," Blinken deklare.

Chif reko migran te chache travèse antre Ozetazini depi Meksik pandan premye ane Prezidan Joe Biden sou pouvwa a, e sa mete anpil presyon politik sou misye, ki se yon Demokrat. Gen lot peyi nan rejyon an ki aksepte migran lakay yo ki soti nan peyi tankou Venezyela, Kiba ak Ayiti.

XS
SM
MD
LG