Accessibility links

Breaking News

Yon Atak Suisid Touye Plizyè Douzèn Moun nan Damas, Kapital Siri


Yon Atak Suisid Touye Plizyè Douzèn Moun nan Damas, Kapital Siri

Nan peyi Siri, medya leta a fè konnen yon atak suisid avèk bonm koze gwo dega nan sant-vil Damas, kote li touye e blese plizyè douzèn moun –pi fò nan viktim yo se sivil.

Daprè ajans nouvèl SANA gouvènman an ap kontwole, se yon atak teworis ki fèt vandredi nan yon sant komèsyal ki rele Middan.

Zak vyolans sa a rive 2 semèn aprè 2 eksplozyon marasa te vize 2 lokal lame a nan kapital Siri a kote 44 moun te pèdi lavi yo.

Pandansetan, plis kritik ap tonbe sou misyon Lig Arab la ap antreprann nan peyi a, pou l chache wè jiska ki degre gouvènman Prezidan Bashar Al-Assad la respekte pwomès li te fè pou l mete fen nan yon operasyon sere-boulon kont militan k ap pwoteste kont rejim li a –yon operasyon ki la depi 10 mwa e ki fè anpil san koule.

Militan siryen yo lanse apèl pou yo mande pèp la pran lari pa bann e pa pakèt vandredi pou apiye asistans entènasyonal mouvman yo a kòmanse jwenn.

Manifestasyon sa a ap dewoule yon jou aprè Premye Minis Katar la, Hamad bin Jassim, te pale pou l di misyon obsèvasyon Lig Arab la komèt kèk erè.

XS
SM
MD
LG