Accessibility links

Breaking News

Tantativ Asasina Kont Vis Prezidan Ajantin Boulvèse Peyi a


Patizan Vis Prezidan Cristina Fernandez rasanble nan Plaza de Mayo yon jou apre yon neg te pwente yon zam sou li devan kay li nan vil Buenos Aires, Vandredi 2 Sept. 2022.

Yon tantativ asasina kont Vis Prezidan Pwisant Ajantinn nan, Cristina Fernandez boulvèse peyi a epi menase pou'l ogmante tibilans politik la.

Jedi swa, Fernandez tap soti nan machin ni devan bilding kote li rete a epi li te komanse bay lanmen ak yon gwoup patizan. Yon nèg te parèt sanzatann ak yon zam nan men li epi li te mete'l ak kèk santimèt sèlman ak figi li epi li deklanche l. Moun te ka tande yon bwi men sanble fizi a te kole.

Otorite yo pa bay okenn detay sou sak te motive tantativ sa a.

Dè milye moun pran lari ozalantou syèj Gouvènman an anba lavil Buenos Aires Vandredi apremidi pou montre sipo yo pou vis prezidant la epi pou denonse tantativ asasina a.

XS
SM
MD
LG