Accessibility links

Breaking News

Rihanna Diskite Mòd, Wòl li Antanke Manman Pitit nan Moman lap Pare pou Premye Akouchman li


Foto Achiv: Rihanna, a goch, ak ASAP Rocky nan defile mod Off-White pou sezon Otonn/Ive 2022-2023 a nan Paris, 28 Fevriye 2022.

Rihanna bay magazin Vogue yon entèvyou kote li pale sou yon pakèt sijè. Magazin nan soti jodi Madi 12 Avril la, nan moman chantez la, ki ansent parèt an piblik souvan.

Kounyea li nan twazyèm trimès li e vedèt mizik, mòd ak pwodwi'd bote a di nesans premye pitit li se pa yon bagay li te planifye.

Men se pa tankou si li pat planifye li non plis. Depi li revele li ansent pou rapè A$AP Rocky nan mwad Janvye a, Rihanna pa ezite pou'l frape teni kote vant li ekspoze.

Li di afè kache vant li anba gwo rad - se pa stil li.

Kidonk, kijan'l santi'l kounyea ke lap pare pou'l akouche? Rihanna di sak pi ba li kè sote se depresyon ki konn swiv akouchman an, paske li ap poze tèt li kestyon pou konnen si'l pral santi li "pèdi kontwòl."

XS
SM
MD
LG