Prezidan peyi Salvadò a, ki tap pale dimanch 30 jen 2019 la, deklare :"Moun pa kouri kite kay yo paske yo vle; moun kite kay yo paske yo santi yo oblije pati."
Misye Boukele ki t ap pale devan laprès nan vil San Salvadò, ajoute lanmò yon papa ak yon pitit fi li ki t ap eseye antre Ozetazini, se yon trajedi. Foto ki montre kadav 2 imigran yo fas anba nan flèv Rio Grande a, ant vil Matamoros, o Meksik, ak Brownsville, nan Eta Tegzas - foto kote moun ka wè ti pitit 2 zan an kwaze bra li alantou kou papa li ebyen, foto sa a atire atansyon moun atravè lemond antye.