Plizyè palmantè Britanik ap ranje kò yo pou wè si yo taka jwenn ase sipò pou tounen pwochen premye minis peyi Angletè, apre demisyon Liz Truss la.
Pami moun sa yo nou jwen ansyen premye minis Boris Johnson ki te mele nan yon pakèt skandal e se poutèt sa li te oblije demisyonnen.
Pati konsevate a ki o pouvwa an Angletè pase lòd pou yo oganize yon eleksyon vit e prese pou chwazi yon nouvo premye minis nan yon espas yon semèn. Yo di peyi Angletè pa gen liks pou'l kite pos sa a vid nan yon peryòd ensètitid kote dè milyon moun ap goumen pou siviv.
Plizyè manifestasyon ki dewoule montre kijan pèp la pa kontan ditou. Gen menas yon resesyon tou.
Johnson poko deklare lap poze kandidati li men gen moun ki di li taka ranpòte la viktwa.
Lide Palman an, Penny Mordaunt se premye kandida ki te di li vle poze kandidati li pou ranplase Truss.
