Accessibility links

Breaking News

Liz Truss Bay Demisyon l Kòm Premye Minis Angletè


Premye Minis Britanik Liz Truss pran la pawol devan biwo li, 10 Downing Street, nan Lond, Anglete, 20 Oktob 2022.

Premye Minis Britanik la, Liz Truss demisyonen Jedi 20 Oktob la -- apre yon manda kout e tibilan kote politik li yo te deklanche gwo bes sou mache la bous la, epitou yon rebelyon andedan pati li a ki te eklipse otorite li net.

Truss pran la pawol devan biwo li nan 10 Downing Street nan Lond pou anonse nouvèl la.

Li di: "Mwen pale ak Wa Charles pou fè'l konnen map bay demisyon mwen kom lidè pati Konsevatè a. Maten an, mwen rankontre direktè komite 1922 a, Sir Graham Brady, e nou antann nou pou oganize yon eleksyon pou chwazi yon lidè semèn pwochèn."

Truss se twazyèm premye minis Konsèvatè ki demisyonen pandan 3 zan ki pase yo e li kite yon gwo divizyon nan pati a, kap chache yon lidè ki ka inifye faksyon ki dozado yo.

Truss fè konnen li pral rete sou pouvwa a pandan kèk jou ankè pandan pwosesis pou chwazi siksesè li dewoule. Li pase sèlman 45 jou kom premye minis Angletè.

XS
SM
MD
LG