Accessibility links

Breaking News

Omaj La Frans Deside Bay Josephine Baker Lakoz Konfli Sou Kestyon Rasism nan


Foto Achiv: Manifestan kap pwoteste kont zak vyolans lapolis ak enjistis nan vil Paris, peyi La Frans, 2 Jyen 2020.

Pou premye fwa nan listwa, yon fanm nwa pral rejwenn pèsonaj Fransè yo pi adore nan Pantheon an.

Fanm sa a se Josephine Baker, yon nwa Amerikèn ki te viv e travay an Frans e ke peyi a pral ban gran lonè sa a Madi.

Sepandan gen kritik ki di lè La Frans mete aksan sou yon pèsonaj ki pran nesans Ozetazuni, lap kontinye yon tradisyon ki dire lontan kote li kritike rasism nan peyi etranje men li pa fè anyen pou jere pwoblèm nan lakay li.

Desizyon pou onore Baker yon fason ki soulve anpil atansyon, souliyen an menm tan, gwo divizyon ki egziste ant doktrin ofisyèl La Frans kote li pa bay koulè po okenn enpotans ak opozisyon an ki pa ezite kritike sa li konsidere tankou rasism sistematik ki egziste nan peyi a.

Avoka ak save yo pran not sou plizyè zane diskriminasyon bo kote la polis, nan domèn lojman an ak anplwa nan La Frans - sitou kont Afriken yo ak moun d'orijin Arab yo.

XS
SM
MD
LG