Accessibility links

Breaking News

Moun Dallas Rele Chal Bari Dèyè Donald Trump Apre Li Di Li Pran Vaksen Booster Kont COVID-19


Foto Achiv: Ansyen Prezidan Etazini Donald Trump souri pandan lap pale ak patizan li yo nan eta Arizona.

Ansyen Prezidan Etazini Donald Trump revele li resevwa piki booster kont kowonaviris la epi foul ki te rasanble nan vil Dallas, eta Texas pou koute diskou li rele chal bari dèyè misye.

Trump anonse nouvèl la Samdi swa pandan dènye etap "Vire Won Istwa" li a, yon pwogram entèvyou ke li fè ak ansyen animatè televizyon rezo Fox Nes la, Bill O'Reilly.

Pwogram O'Reilly a"No Spin News" te pataje yon videyo reyaksyon foul la sou entènèt la.

Pandan ke Trump eksprime opozisyon ni fas ak egzijans pou tout Ameriken pran vaksen an, li pran kredi pou vaksen peyi a te devlope pandan li te sou pouvwa a.

Tandiske lot lidè mondyal yo resevwa piki a piblikman, Trump limenm te chwazi pou'l resevwa pa'l an prive.

Vaksen COVID-19 la pa popilè ditou ditou ak anpil nan patizan Trump yo.

XS
SM
MD
LG