Accessibility links

Breaking News

La Risi Pa Swete Etazini Bòn Fèt


Keith Lockhart, dirije okes Boston Pops pandan yon repetisyon pou prepare pou spektak anyel Fedatifis Boston Pops Fireworks la nan Esplanade, 3 July 2017, nan vil Boston.

La Risi deklare Lendi li pap voye okenn bèl pawòl pou make Fèt Endepandans Etazini.

Pòt pawòl Kremlen an Dmitry Peskov di jounalis yo ke "li patap apwopriye" pou nou felisite Etazini e li site sa li dekri tankou "politik ki pa amikal" Washington adopte vizavi Moskou.

Lèzetazini opoze lagè La Risi ap mennen nan Ikrèn nan, e li voye zam epi ede antrene twoup Ikrenyen yo. Se Ameriken tou ki dirije jefò pou enpoze sanksyon kont La Risi.

Prezidan Ris la Vladimir Putin te felisite lòt lidè Ameriken pou fèt la - pami Prezidan Donald Trump ak Barack Obama.

Prezidan Ikrenyen an Volodymyr Zelenskyy pibliye yon mesaj sou kont Twitter li kote li swete Prezidan Joe Bidenak pèp Ameriken an "lapè ak pwosperite".

"Mwen apreseye lidèship ak asistans Lèzetazini pou defann prensip komen nou yo - Libète, Demokrasi ak Endepandans," Zelenskyy ekri.

Kek enfòmasyon pou repòtaj sa a soti nan Reuters.

XS
SM
MD
LG