Accessibility links

Breaking News

Kyèv ak Moskou Di Pwogrè Fèt, Men Gen Plas pou Anpil Dout


Yon ponpye Ikrenyen kanpe nan mitan dekonb yon kay ki te detwi nan bonbadman ki fet nan vil Kyev, Ikren, 23 Mas 2022.

Liè Ikren ak Larisi yo fè konnen gen pwogrè ki fèt nan negosyasyon lapè yo; men li toujou difisil pou yo jwenn yon akò, daprè obsèvatè yo. Otorite oksidantal yo ak kèk obsèvatè endepandan pèdi espwa e yo gen kèsote pou Moskou pa ta ap negosye an tout bòn fwa, kòmkwa l ap itilize negosyasyon yo pou l anpeche l’OTAN fè Ikrèn jwenn zam ofansif ak defansif tip sistèm sol- èr ak lòt sistèm zam ki pi sofistike, oubyen pou l’Oksidan pa ranfòse sanksyon yo.

Lòt sektè pè pou, menmsi Kyèv ak Moskou ta jwenn yon antant solid, sa k dwe fèt pou yo debouche sou yon akò aplikab la kapab pi difisil pou jwenn, menm jan sa te rive pou Akò Minks 2015 la ki te sipoze mete fen nan konba yo nan pwovens Donbas ke separatis pwo-Larisi yo sezi ak asistans Moskou.

Toujou gen gwo divizyon ant Likrèn ak Larisi malgre plizyè jou negoyasosn pa video so direksyon Minis Defans Ikren nan, Oleksii Reznikov, ak konseye prezidansyèl ikrenyen Mykhailo Podolyak. Ekip negosyatè ris la te gen kòm chèf Vladimyr Medinsky.

Prezidan Ikenyen an, Volodymyr Zelenskyy, repete ankò semèn sa a li pare pou l kite tonbe aspirasyon Ikrèn pou l antre nan LOTAN a kondisyon pou Larisi wete twoup li yo sou teritwa ikrenyen an ak yon garanti solid pou sekirite Ikrèn.

XS
SM
MD
LG