Accessibility links

Breaking News

Ex-Foutbolè Beckham Remèt Kont Instagram li Bay yon Doktè Ikrenyen


Foto Achiv: Ansyen vedet foutbol Britanik ak pwopriyete ekip MLS (Major League Soccer) David Beckham, pandan yon entevyou nan Nouyok, 26 Fevriye 2020.

Ansyen foutbolè Britanik David Beckham remèt kontwol kont Instagram li a Dimanch bay yon doktè Ikrenyen kap ede medam ki ansent yo akouche nan vil Kharkiv nan ès peyi a.

"Allo tout moun, map remèt rezo sosyal mwen bay Irina, direktris sant pre-natal Kharkiv la nan Ikrèn. Lap travay ak fanm ansent pou ede yo akouche an sekirite.

Ex kapitèn ekip foutbol Angletè a remèt kontwol kont Instagram li a ki gen 71 moun kap swiv li Dimanch 20 Mas.

"Nan tan lapè mwen se direktris sant rejyonal pre-natal Kharkiv la ak yon espesyalis na anestezi pou timoun. Jodia map montre nou kijan nou travay nan tan lagè e map di nou kiyès nou tounen pandan lagè sa a. "

Kharkiv fè fas ak gwo atak Ris ki detwi anpil bilding.

Irina, ki pa bay non li, pibliye videyo yon sousol kote li di fanm ansent ak manman pitit te pran refij premye jounen envazyon Ris la.

Li pataje tou, imaj ti bebe ki fek fèt ki depann sou oksijèn ke UNICEF fè yo kado.

Prezidan Ris la, Vladimir Putin di operasyon li vize dezame Ikrèn epi dechouke nasyonalis danjre yo.

L'Oksidan deklare se yon lagè agresiv La Risi chwazi pou'l fè e li enpoze sanksyon kom pinisyon.

XS
SM
MD
LG