Accessibility links

Breaking News

Blinken Nan Berlin pou Fè Chita Tande Avek Alye yo


US Germany Blinken

Sekretè d'Eta Antony Blinken rive nan Berlin jodi jedi a pou fè chita tande avek alye yo sou pakèt solda Larisi deplwaye toupre fwontyè Ikrèn nan. Marie Luce Pierre pou plis detay.

Prensipal diplomat ameriken an te vwayaje an Almay apre yon vizit nan Ikrèn kote li te rankontre avek prezidan Volodymyr Zelensky e te asire li ke Washington kanpe bò kote li.

Administrasyon Prezidan Etazuni Joe Biden di mekredi 19 janvye ke li ajoute $200 milyon dola anplis kòm èd pou defans militè Ikrènn. Biden di li panse ke Larisi pral anvayi Ikrèn, li repete avètisman li te bay prezidan ris la Vladimir Putin ke aksyon konsa ap gen konsekans ekonomik.

Larisi demanti ke li gen entansyon anvayi Ikrèn e lap chache garanti sekirite tankou pou Ikrèn pa antre nan l’OTAN.

Blinken gen pou-l diskite sou situyasyon an avek minis afè etranjè ris Sergey Lavrov nan Jenèv an Swis demen vandredi a , 3 zyèm eskal nan yon vwayaj ke yo te òganize byen vit pou li e nan vwayaj sa a li eksprime ak fòs ke Etazuni ta pito jwenn yon solisyon diplomatic pou konfli a.

GADE: Entevyou Eksklizif VOA ak Sekretè d'Eta Blinken sou Ikrèn

Blinken di VOA li Espere La Risi va Chwazi Diplomasi Olye Konsekans pa Rapò ak Ikrèn
please wait

No media source currently available

0:00 0:02:53 0:00

XS
SM
MD
LG