Lamezonblanch fè konnen Prezidan Joe Biden pral akeyi nan Washington mwa pwochen an, lidè Asosyasyon peyi Sidès Azi yo mwa pwochen an.
Rankont o somè a ki pral dewoule 12 ak 13 Me, fè pati yon jefo administrasyon an ap fè pou montre Etazini pran angajman pou'l pote kole ak peyi nan rejyon Endo-Pasifik la.
Rankont o somè a pral komemore tou 45 an relasyon ant Etazini ak peyi ki fè pati gwoup ASEAN nan.
Peyi manm ASEAN yo se: Brunei, Kanbodj, Endonezi, Laos, Malezi, Birmani, Filipinn, Sengapou, Tailand ak Vyetnam.
Rankont o somè a te sipoze fèt nan mwad Mas la men lidè yo te mande pou ranvwaye'l akoz kalandriye yo te sichaje.
