Accessibility links

Breaking News

Biden Lanse yon Kanpay Pou Ankouraje Vaksen 'Booster' Kont COVID-19


Prezidan Joe Biden pran la pawol nan Lamezonblanch, Mekredi 1 Desanm, 2021.

Prezidan Joe Biden devwale plan li pou konbat COVID-19 la pandan sezon ive a, nan moman nouvo varyan omicron an ap fe ravaj nan le mond antye.

Biden lanse yon kanpay dijans jodia, kote li ankouraje tout Ameriken pou yo al pran vaksen booster - siplemante kont kowonaviris la.

Biden devwale yon plan ki fet espesyalman pou sezon ive a e ki vize anpeche kowonaviris la ak varyan omicron an pwopaje. Li di lap mete a la dispozisyon piblik la yon paket vaksen, san li pa enpoze okenn nouvo restriksyon.

Plan an anvizaje pou konpayi asirans prive yo kouvri pri tes COVID ke moun ka pran lakay yo, epi ranfose regleman pou moun kap antre Ozetazuni yo kelkeswa stati yo pa rapo ak vaksinasyon an.

Administrasyon Biden ann di tou li pral dispoze 50 milyon tes COVID-19 pou gratis pou granmoun yo ak lot moun defavorize yo ke yap kapab jwenn nan sant pou granmoun yo epi sant kominote.

XS
SM
MD
LG