Accessibility links

Breaking News

Hillary Clinton Pwomèt  Chili Apui Etazuni


Sekretè deta ameriken-an, Hillary Clinton, promèt jodi Madi-a, apwi Lèzetazuni pou Chili pandan 3 zyèm etap yon virewon lap fè nan 6 peyi Latino-Ameriken.

Madan Clinton di jounalis-yo nan Santiago Lezetazuni pare pou-l bay Chili nenpot ki asistans gouvènman peyi sa-a bezwen. Pandan Madam Clinton tap pale bò kote prezidan chilyen-an, Michelle Bachelet, li di Lèzetazuni genyen gwo rekonesans pou sa Chili fè nan ann Ayiti aprè peyi sa-a te viktim yon gwo kokenn chenn tranbleman de tè nan kòmansman ane sa-a.

Chèf diplomasi amerikèn-nan pale pou'l di «Ekip sekouris chilyen-yo se youn pami pi bon ki egziste sou latè. »

Pandan brèf visit sa-a Sekretè-D'Eta Clinton reyalize nan kapital Chili-a, Santiago, li rankontre avèk prezidan elu peyi-a, Sebastian Pinera, ki gen pou prete sèman semèn pwochèn-nan. Nan vwayaj sa-a, Madam Clinton akonpaye yon kagezon materyèl ki gen ladan-n telefòn ki travay pa satelit e ki nesesè anpil-anpil o Chli jounen jodiya. Pandan sejou sekretè-deta-a nan Santyago, li-menm ak otorite chilyen-a ap diskute tou sou lòt aspè asistans Lèzetazuni ap bay peyi Sud-Ameriken-an.

Amerik Latin toujou: Prezidan Ajantin–nan, Cristina Fernandez de Kirchner, mande Etazuni pou-l mele dirèkteman nan mezantant ki genyen ant peyi li avek la Grand’Gretay sou zile Malwinn-yo. Madan Fernandez fè demand sa-a yè lendi-a nan yon konferans pou la près li te bay avek sekretè deta Etazuni-an, Hillary Clinton ki ta-l vizite Ajentin nan kad virewon lap fè nan amerik Latin-nan. Lidè Arjentin-nan di Lezetazuni ka sèvi kòm mediyatè ant Buenos Aires ak Londr, puiske li se zanmi 2 peyi sa-yo.

Madan Clinton di Washington pral ankouraje La Grand’ Bretay ak Ajantinn pou yo angaje yo nan diplomasi, men li pa pral pran okenn angajman pou-l jwe yon pi gwo wol nan kesyon-an. Mwa pase-a, la Grand’Bretay te pèmèt yon konpayi Britanik komanse fè eksplorasyon pou petwol tou prè zile Malwinn-yo; yon aksyon ki te pouse Ajentin pote plent nan yon Somè peyi Amerik Latin ak Karayib-la ki dewoule sa pa gen lontan e devan Nasyonzuni.

XS
SM
MD
LG