Administrasyon Biden nan ap pran reprezay kont Larisi akoz li sispann nouvo trete nikleyè START la.
Depatman Deta anonse Jedi lap revoke viza enspektè nikleyè Ris yo, e li refize aksepte aplikasyon pou nouvo enspektè. Li anile tou apwobasyon de baz li konn akode avyon Ris yo pou antre nan espas ayeryen Etazini.
Etazini di lap pran mezi sa yo pou reponn kif-kif "vyolasyon san gade dèyè" Larisi ap fè pa rapo ak dènye trete sou kontwol zam ki te rete ant 2 peyi yo.
Mezi sa yo reprezante yon ogmantasyon nan tansyon ki deja egziste ant Washington ak Moskou, men Depatman Deta di tout sa li fè ann ako ak lwa entènasyonal.
Kesyon pèmisyon pou enspekte sit kote ki gen zam yo, ak enfomasyon sou lansman misil entè-kontinantal ak misil ki ka lanse abo soumaren - fè pati esansyèl trete Nouvo START la.
