Li avèti ke si peyi manm l-ONU yo trennen pye-yo e pa voye yon fòs touswit, sa ka lakoz ensekirite a gaye nan Karayib la ak nan Amerik Latin nan.
Men jouk kounyea Etazini ak Kanada, ni okenn lòt manm Konsèy Sekirite a pa montre ditou ke yo enterese pou pran tèt yon fòs.
Maria Isabel Salvador di Mèkredi ke vyolans gang yo ap grandi ak yon vitès ki bay kè sote nan zòn ki te gen sekirite andan kapital la ak nan alantou.
Li te site chif ke lapolis ak Nasyonzini genyen ki montre zak kriminèl yo double pou rive 1,647 nan premye trimès 2023 a.
