Sanble se kous pou prezidan ki pi sere nan istwa Nijerya, kote kandida 2 pati ki konn ap fè pas-kout antre yo ak pouvwa a depi apre rejim militè a an 1999, ap fè fas ak yon gwo defi bò kote yon ti pati politik ki popilè nan mitan jèn elektè yo.
Rezilta vòt eleksyon prezidansyèl ak palmantè yo gen pou yo soti nan tout 36 eta yo nan Nijerya, anvan chif yo al jwenn sant tabilasyon santral la nan komisyon elektoral la nan kapital la Abuja.
Premye rezilta yo, ki soti nan eta Ekiki, moutre yon majorite vwa nan eta a pou prezidan anfavè Bola Tinubu nan Kongrè Tout Pwogresis yo, yon koalisyon ki an majorite nan palman an, ak mwens ke mwatye nan tout vwa yo pou Atiku Abubakar ki nan prensipal pati opozisyon an, PDP, ak yon ti kras plis pase 11-mil vwa pou Peter Obi nan Pati Travayis la.
