Lionel Messi make yon gòl esansyèl pou Ajantin nan viktwa 2-0 li ranpòte sou Meksik pou re-bay chans seleksyon nasyonal la genyen pou'l ranpòte Mondyal Foutbòl Qatar la jarèt.
Mesi pwofite yon touch Angel Di Maria pou'l make yon gòl nan 64èm minit match la.
Sibstiti Enzo Fernandez make dezyèm gòl la pou Ajantin nan 87èm minit la.
Ajantin Kale Meksik 2-0 nan Mondyal Foutbol Qatar la
Lionel Messi make premye gol li nan Mondyal Foutbol Qatar la nan match Gwoup C seleksyon nasyonal Ajantin kont Meksik, Samdi 26 Nov. 2022. Ajantin kale Meksik 2-0.
Sa re-bay Ajantin jarèt apre defèt chokan li te sibi devan Arabi Saoudit 2-1 nan premye match li nan tounwa a.
Viktwa Samdi a mete Ajantin an dezyèm plase nan Gwoup C anvan match li kont La Polòy Mekredi.
Messi, ki gen 35 an ap jwe nan sa ki pral pwobaleman dènye Mondyal Foutbòl karyè li.
