Accessibility links

Breaking News

Larisi Espere fè yon Boukantay Prizonye ak Etazini


Vedet WNBA Brittney Griner pale ak avoka li yo pandan li kanpe nan yon kaj nan yon tribinal nan Khimki, tou pre Moskou, La Risi kote pwose li ap dewoule, Madi 26 Jiye, 2022.

Larisi fè konnen vandredi li te espere yon boukantay prizonye ak Etazini pou retounen ba li Viktor Bout, yon Ris ki anba kondanasyon pou trafik zam e ki gen ti non « machann lanmò », yon boukantay ki ta gen ladann vedèt basketball WNBA amerikèn Brittney Griner.

Pandan gè ki fè plis san koule ann Ewòp depi 2èm Gè Mondyal la ap dewoule, LaRisi ak Etazini ap etidye yon antant sou boukantay la.

2 ansyen lènmi nan Lagè Frèt la, k ap fè fas kounye a ak konfwontasyon ki pi grav depi Kriz Misil Kiben an 1962 a, ap diskite sou echanj prizonye pi ekstwòdinè ki ta fèt nan istwa 2 peyi yo.

Boukantay la gen Griner ki ap fè fas ak 9 lane dèyè bawo nan LaRisi apre li fin jwenn kondanasyon pou dwòg, ak Paul Whelan ki ap pije yon santans 16 lane nan LaRisi apre li fin jwenn kondanasyon pou espyonaj, kondanasyon ke li demanti.

XS
SM
MD
LG