Accessibility links

Breaking News

Repibliken yo Sanble yo Pi Pre Pran Kontwòl Lachanm


Lide Minorite Lachanm de Reprezantan, Kevin McCarthy (Repibliken Kalifoni) espere tounen pwochen lide Lachanm.

Repibliken yo sanble ayè lendi a, yo pi pre pou yo pran kontwòl chanm depite a nan pwochen sesyon Kongrè a ki ap tanmen an Janvye.

Repibliken yo deja pran 212 syèj pandan Demokrat yo pran 204, nan efò tou 2 pati yo pou jwenn yon majorite 218 nan chanm nan ki gen 435 depite. Men kèk moun ki analize eleksyon an di kontaj vòt yo nan 19 kous ki rete yo sanble plis ale anfavè Repibliken yo, sa ki ka pèmèt yo pran kontwòl chanm nan nan men Demokrat yo ki gen majorite kounyea.

Prezidan Demokrat Joe Biden rekonèt sa, kote li di jounalis yo nan yon konferans pou laprès nan reyinyon G20 an nan Endonezi, “M panse kous la sere anpil nan Chanm Depite a, men m pa kwè se nou k ap pran l.”

Sa ka pran dè jou pou Repibliken yo jwenn ofisyèlman majorite 218 syèj la. Men si yo gen majorite nan Chanm nan, sa pwal bay advèsè Biden yo chans pou yo mennen ankèt sou fo-pa administrasyon li a te fè pandan 2 lane li pase deja nan Mezon Blanch.

XS
SM
MD
LG