Accessibility links

Breaking News

Ikrèn: Yon Fèt Endepandans Anba Gwo Tansyon Akoz Lagè a


This photo released by the Ukrainian presidential press service on Aug. 24, 2022, shows Ukrainian President Volodymyr Zelensky at Kyiv's "Maidan" Independence Square, on Ukraine's Independence Day, on Aug. 23, 2022

6 mwa apre Larisi lanse envazyon l nan Ikrèn, Prezidan Ikrenyen an Volodymyr Zelenskyy te asire pèp la mèkredi ke peyi a ta pral goumen "jiska la fen" pou reprann tout teritwa li yo. Li te fè deklarasyon sa nan yon diskou nan okazyon anivèsè endepandans Ikrèn.

Nan jou senbolik sa a, Prezidan Ameriken Joe Biden te konfime ke li ap voye nouvo èd militè pou Ikrèn. Washington se youn nan peyi ki kontinye ap ede Kyev depi kòmansman konfli a ki kòmanse nan dat 24 fevriye 2022 a - èd sa yo ap pèmèt "akeri sistèm defans yo". ...).

Etazini deklare ke "li angaje pou sipòte pèp Ikrèn nan (...). Kòm yon pati nan angajman sa a, nou fyè pou n anonse pi gwo tranch asistans lajan sekirite nou bay jiska jodi a : apeprè $ 2.98 milya pou zam ak ekipman".

Jou Endepandans sa a vini nan kontèks kote gen gwo tansyon, epi Ikrèn pè pou pa gen kèk gwo atak malouk sou li.

"Nou pral goumen pou (peyi nou an) jiska la fen", se deklarasyon sa chèf leta a te fè.

Prezidan an ak madanm li te rann omaj a sòlda Ikrenyen yo ki te mouri yo, e yo te obsève yon minit silans epi yo te mete bouke jòn ak ble -ki se koulè drapo nasyonal la - nan yon memoryal nan Kyiv, anvan yo te patisipe nan yon rasanbleman nan katedral Hagia Sophia, kote lidè prensipal konfesyon relijye yo te patisipe tou.

XS
SM
MD
LG