Accessibility links

Breaking News

Sanble Lachin ap Ralanti sou Egzèsis Militè li yo Ozalantou Taiwan


Nan foto sa a ke Ajans Nouvel Lachin Xinhua voye bay lapres, yon man Lame Popile Liberasyon an gade dewoulman egzesis milite pandan yon bato de ge Taiwan Lan Yang ap pase nan zon nan, 5 Out, 2022.

Lachin repete menas militè li yo kont Taiwan pandan li sanble ap diminye sou manèv lap fè tou pre zile Taiwan ke li reklame kom teritwa pa li.

Yon mesaj Biwo Kabinè Zafè Taiwan pibliye pou anonse devlopman an tonbe nan kad yon semèn kote Lachin te lanse egzèsis militè menasan tou pre zile a ki lakoz gen enteripsyon nan vol ak pasaj bato nan yon rejyon ki jwe yon wol esansyèl nan livrezon pwodwi toupatou nan mond lan.

Lachin deklare li pran mezi sa yo pou reponn vizit Lidè La Chanm dè Reprezantan Etazini Nancy Pelosi te fè nan Taiwan. Sepandan Taiwan di Lachin sèvi ak sa kom pretèks pou ogmante menas li yo.

Anvan sa, Peken te pwolonje egzèsis li yo san li pat anonse kilè yo pral fini, men sanble pou kounyea, yo prèske rive nan bout yo.

XS
SM
MD
LG