Mèkredi, Kore di Sid eli prensipal kandida pati opozisyon Pati Pouvwa Popilè-a, yon ansyen komisè gouvènman, Yoon Seok-youl kòm pwochen lidè peyi a apre yon
eleksyon prezidansyèl ki te gen anpil batay e ki te divize pèp la.
Yoon, yon konsèvatè, ka pran pozisyon liy du ak Kore di Nò e ak LaChin.
"Alyans ant Etazini ak Repiblik Kore a, ekonomi nou yo ak pèp nou yo, se bagay ki solid tankou bout fè," se sa yon pòtpawòl Depatman Deta di LaVwadlamerik, e li ajoute ke Prezidan Joe Biden - n-ap site - "ap tann pou l travay ak nouvo administrasyon an pou laji pi plis toujou koperasyon sere nou an."
Yoon ka fòme yon ekip tranzisyon anvan li chita sou fòtèy boure a nan mwa Me, kote li pwal ranplase prezidan sòtan Moon Jae-in ki, dapre konstitisyon an, pa ka al dèyè yon 2èm manda 5 lane.
