Accessibility links

Breaking News

Biden Anonse yon Nouvo Seri Sanksyon Ekonomik Sevè Kont La Risi


Prezidan Joe Biden pale pandan yon rankont ak Kabine li nan Lamezonblanch, Jedi 3 Mas 2022.

Prezidan Joe Biden anonse nouvo sanksyon ekonomik sevè Jedi kont oligark Ris yo ak lòt pwòch Prezidan Vladimir Putin nan moman twoup Ris yo kontinye ap atake Ikrèn.

Nan pale li te fe ak laprès anvan yon rankont kabinè ministeryèl li a Biden deklare li pral kontinye "enpoze sanksyon ekonomik trè sevè kont moun ki kòkòt ak figawo ak Putin yo.

Pami moun nouvo sanksyon yo vize, gen sekretè laprès Putin nan, Dmitry Peskov ak Alisher Burhanovich Usmanov, youn nan nèg ki pi rich La Risi ki se tou yon alye pwòch Putin.

Depatman Deta a anonse tou lap enpoze entèdiksyon viza pou 19 oligark Ris ak de douzèn manm fanmi yo ak pwòch asosye yo.

Lamezonblanch dekri Peskov, pòt pawòl Kremlen an tankou "pi gwo pwopaje pwopagann Putin yo."

Pwopriyete Usmanv ak lot yo ap bloke - yo pap ka sevi avè'l Ozetazini e Ameriken pap gen akse a li non plis. Pami byen misye genyen gen yon sipè yatch, youn pami pi gwo ki egziste nan mond lan. Usmanov gen yon djèt prive tou, ki se youn nan avyon prive pi gwo Ris ki egziste e sanksyon yo vize li tou.

XS
SM
MD
LG