Ministè Afè Etranjè Ikrèn moutre video yon frap sou bilding Administrasyon Rejyonal Eta a nan Kharkiv nan sant vil la ki kite yon gwo boul dife ak lafimen pandan plizyè machin t ap pase.
"Frap sou Kharkiv la se yon krim lagè," se pawòl Prezidan Ikrèn nan Volodymyr Zelenskiy nan yon deklarasyon sou video.
Yon responsab sèvis dijans fè konnen frap la touye pou pi piti 6 moun e blese 20 lòt.
Chef politik afè etranjè Inyon Ewòp la Josep Borell deklare jodia bonbadman ki fèt sou ensfrastrikti sivil lendi a nan Kharkiv, sa "vyole lwa lagè."
Pòtpawòl Kremlen Dmitry Peskov rejte akizasyon krim lagè yo e li di jounalis yo ke "twoup ris yo pa fè okenn frap sou enfrastrikti sivil nan zòn rezidansyèl yo."
Ikrèn rapòte tou jodia sòlda ki soti lakay alye LaRisi Belaris antre nan rejyon Chernihiv nan Ikrèn.
