Accessibility links

Breaking News

Envazyon Larisi nan Ikrèn Tonbe nan Moman Ikrèn tap Lite kont yon Epidemi Polio


Ukraine

Yo te idantifye depi mwa Oktòb 2021 omwen yon timoun ki gen polio ki paralize-l tandiske gen 19 lot timoun ki enfekte men yo pa paralize. Yon kanpay vaksinasyon kont polio te komanse nan dat premye fevriye pase.

Nan 7 jou Ikrènn te anrejistre an mwayenn yon reko 37 mil 408 ka COVID nan dat 10 fevriye, men kantite ka-yo te koumanse bese depi lè a.

Sepandan, espesyalis lasante yo di envazyon Larisi nan Ikrèn nan ka fè maladi kontajye pwopaje pi plis nan peyi-a, pami yo COVID-19 nan moman moun ap reyuni nan abri oubyen yap kouri kite peyi a.

Pandanstan televizyon leta chinwa di Hong Kong anrejistre yon kantite rekò ka koronavirus pa jou lendi 28 fevriye a ki se 34 mil 466 nouvo ka enfeksyon.

Daprè ajans nouvel Reuters, biwo ki rele Otorite Lopital di lendi 28 fevriye a ke enstalasyon pou mete kadav yo nan lopital ak mòg public yo nan Hong Kong rive nan limit kapasite yo akoz yon kantite rekò moun ki mouri anba COVID-19.

Kantite ka peyi End anrejistre chak jou yo bese pi ba pase 10 mil. Ministè sante a fè konnen kantite total pa jou a te 8 mil 13.

Sant resous Koronaviris Johns Hopkins rapòte plis pase 435 milyon ka covid nan mond lan bonè lendi 28 fevriye a ak preske 6 milyon ka lanmò.

XS
SM
MD
LG