Accessibility links

Breaking News

Prezidan Biden Nonmen Premye Fanm Nwa pou yon Pòs nan Kou Siprèm nan


US-justice-politics-SUPREME-COURT

Prezidan Joe Biden nonmen, nan jounen vandredi 15 fevriye a, jij kou dapèl Ketanji Brown Jackson pou yon plas nan Kou Siprèm nan.

Sa fe Madam Brown Jackson tounen premye fanm nwa ki jwenn chwa pou l sèvi nan yon tribinal ki, nan le pase, te deklare gason ak fanm ras nwa pa diyn pou moun konsidere yo kom sitwayen ameriken, an menm tan ke tribinal la te apiye segregasyon.

Lè Prezidan Biden chwazi Jij Jackson pou pòs la, li respekte yon pwomès li te fè pandan kanpay elektoral la kote l te di li ta pral fè kèk nominasyon istorik epi ranfòse divèsite nan yon triinal ki te toujou gen gason blan sèlman ladan l pandan prèske 2 syèk.

Li chwazi yon avoka ki, si l jwenn konfimasyon Sena a, pral tounen premye ansyen defansè piblik k ap antre nn Kou Siprèm nan, menmsi li posede tou background legal elit ke lòt jij yo posede.

Madam Jackson ka tounen 2èm moun nwa ki syeje nan pi gwo tribinal peyi a –lòt la se Jij Clarence Thomas, yon konsèvatè- e li t ap tounen an menm tan 3èm moun nwa ki jij nan tout istwa Kou Siprèm nan.

Prezidan Biden te òganize yon seremoni tou kout nan La Mezon Blanch, vandredi apremidi, pou l te prezante Jij Ketanji Brown Jackson ki te pran lapawòl tou nan okazyon an.

XS
SM
MD
LG