Accessibility links

Breaking News

Atakan Ris yo deja Rive Ozalantou Kyèv


APTOPIX Ukraine Invasion

Fòs militè ris ak ikrenyen tonbe nan lese-frape ozalantou vil Kyèv vandredi 25 fevriye a, 2èm jou envazyon Larisi nan Ikrèn, nan moman efò diplomatik k ap fèt pou bese vyolans la ap kontinye epi peyi oksidantal yo pran dispozisyon pou ranfòse e kowòdone defans alye yo.

Moun te ka tande eksplozyon nan kapital la byen bonè nan jounen vandredi a. Jounal New York Times rapòte li rive verifye yon video ki montre gwo eksplozyon kote debri t ap tonbe nan Kyèv.

Yon lòt kote, jounal la fè konnen video a “sanble montre o-mwens 2 misil sòl-èr yo te tire tou pre Kyèv anvan eksplozyon yo.” N.Y. Times pibliye tou yon tweet kote l di Ministè Defans ikrenyen an bay moun ki nan kapital la konsèy pou yo rete anndan kay yo epi prepare “pou yo fabrike cocktail Molotov” pou yo resevwa lennmi.

Moun te ka tande sirèn tou nan vil Liviv, nan pati lwès Ikrèn, pa two lwen ak frontyè peyi a ak La Polòy, kote anpil anbasad bwote al enstale yo pwovizwaman.

XS
SM
MD
LG