Accessibility links

Breaking News

Pelosi Anonse Komite Depite Ayisyèn Sheila Cherfilus-McCormick ap Rejwènn


Lide la Chanm Nancy Pelosi prezide seremoni prestasyon seman nouvo Depite eta Florid Sheila Cherfilus-McCormick, yon Demokrat, nan Washington, Madi 18 Janvye, 2022.

Lidè la Chanm de Reprezantan an, Nancy Pelosi anonse 2 Fevriye, kokis Demokratik La Chanm nan apwouve rekomandasyon pou depite Sheila Cherfilus-McCormick sèvi kom manm komite Edikasyon ak Travay la epi Komite Zafè Veteran yo.

Madan Cherfilus-McCormik prete seman 18 janvye pase a kom pi nouvo manm Kongrè Etazini.

"Depite Sheila Cherfilus-McCormick vinn manm la Chanm apre li pase anpil tan ap goumen pou egalite epi kay ki pa chè ansanm ak swen sante pou travayè Floridyen yo," Lide Pelosi deklare.

"Antanke manman ak pitit fi imigran, li pral pote yon pespektiv enpotan ak pasyon li nan Komite Edikasyon ak Travay la ki pi enpotan pase bay ekonomi a yon bourad men tou kreye yon bèl avni pou timoun nou yo," Madan Pelosi ajoute.

Pa rapo ak Komite Zafè Veteran yo, Madan Pelosi di " li pral relve vwa ewo nou yo nan eta Florid ak toupatou nan peyi a ki sèvi Etazini ak fyète. Fanmi nan sid Florid ap benefisye de yon bon reprezantan e lidèship san pran souf Depite Cherfilus-McCormick nan moman li rejwenn Demokrat La Chanm yo pou travay pou pèp la."

XS
SM
MD
LG