Accessibility links

Sekretè Deta Hillary Clinton ap Kontinye Toune Li ann Afrik

  • Ekip Sèvis Kreyòl VOA

Sekretè Deta ameriken an, Hillary Clinton, ale vandredi nan peyi Gana kote li pral asiste seremoni antèman Prezidan John Atta Mills ki te sikonbe anba yon mò sibit 24 jiyè pase a.

Sou pwogram vwayaj sa a, Madam Clinton genyen tou pou l fè chita-tande nan vil Akra, kapital Gana, ak John Mahama, ansyen Vis-Prezidan Misye Mills la, ki deja prete sèman kòm nouvo prezidan peyi a.

Jedi 9 out 2012 la, pandan chèf diplomsi amerikèn nan te nan peyi Nijerya, li te bay Prezidan Goodluck Jonathan konsèy pou l ranfòse efò gouvènman n nan ap deplwaye pou l konbat vyolans ekstremis k ap dewoule nan pati nò e nan sant peyi a.

Ofisyèl Depatman Deta kap vwayaje ak Madam Clinton fè konnen Sekretè Ddeta a di Prezidan Jonathan ak lòt otorite nan gouvènman nijeyran an, Washington pare pou l ede yo antrene lapolis ak inite anti-teworis kap lite kont yon gwoup militan ki rele Boko Haram, kap chache tabli yon rejim totalman islamik atravè yon peyi ki genyen 160 milyon abitan.

Sekretè Deta Clinton deklare:
“Nou dispoze pou n kontinye apiye efò nap deplwaye pou n fè refòm. Mèsi deske nou te atire atansyon sou travay nou te fè ansanm pandan elekyon an. Nou dispoze kontinye apiye efò nap fè pou n fè refòm, pou n konbat koripsyon, pou peyi a gen plis transparans, menm jan nou apiye travay ke nou zot, ak tout yon seri de ekip, ap fè pou n chanje Nijerya; paske, nou panse avni peyi sa a pa gen limit.”

Sekretè Deta Clinton te twouve l nan Nijerya nan kad yon toune sou tontinan afriken an kap mennen li nan 9 peyi. Lè li va kite Gana vandredi, li gen pou l fè yon vizit tou kout nan peyi Benin, dènye etap nan vire-won sa a ki dire 11 jou. Aprè Benin, Madam Clinton ap retounen o Zetazini.
XS
SM
MD
LG