Accessibility links

Gwo Manitestasyon ann Ejip pou Egzije Piblikasyon Rezilta 2èm Tou Eleksyon Prezidansyèl a

  • Ekip Sèvis Kreyòl VOA

Nan peyi Lejip, plizyè gwoup islamik lanse apèl pou yo mande pèp la pran lari pa bann e pa pakèt vandredi 22 jen 2012 la, nan moman popilasyon an (ki anba gwo tansyon) ap tann rezilta premye eleksyon prezidansyèl lib ki dewoule nan peyi a avèk patisipasyon plizyè pati politik. Nan capital la, vil Lekèr, plizyè milye moun deja rasanble sou Plas Tahir la, pou yo denonse sa yo konsidere kòm yon tantativ dirijan militè yo ap fè pou yo kenbe pouvwa a, epi lanse apèl bay otorite elektoral yo pou yo prese pibliye rezilta 2èm tou eleksyon an ki te dewoule semèn pase a.
Komisyon electoral la te pran desizyon pou l ranvwaye dat publikasyon an –ki te fikse pou jedi 21 jen an-- paske manm yo di yo bezwen plis tan pou yo mennen ankèt sou plent tou lè 2 kandida ki te nan kous la (Misye Morsi ak Ahmed Shafik) pote pou yo fè konnen te genyen koken nan vòt la. Jedi 21 jen 2012 la, Misye Shafik repete akizasyon n nan. Li fè konnen :

"An tan ke kandida a la prezidans e lè m baze m sou vwa yo deja konte nan tout biwodvòt yo ann Ejip, mete sou obsèvasyon mwen te fè pandan kanpay la, mwen gen konfyans se mwen kap sòti venkè nan eleksyon sa a, e mwen se yon venkè lejitim, pa la gras de Dye."

Nan Washington, Sekretè Deta Hillary Clinton fè konnen fè konnen lame peyi Lejip la dwe respekte pwomès li te fè pou l remèt pouvwa a bay kandida ki ranpòte eleksyon an.

Chèf diplomasi Lèzetazini an pale konsa nan yon entèvyou li bay yon chèn televizyon byen ta nan jounen mèkredi-a aprè komisyon elektoral la, ki anba enfliyans lame ejipsyèn nan, te pran desizyon pou l ranvwaye piblikasyon rezilta yo.
XS
SM
MD
LG